كركبة دى مدونة جديدة أنشئتها بعد طوووووووول تفكير وعملتها وأن مش ناوية أعملها عالم جديد على أتمنى إنى أكون موفقة فيه وأنا ناوية إن شاء الله أكتب كل حاجة تيجى على دماغى من غير ماأفكر فيها كتيير هكتب كل حاجة جوايا كل إحساس حسيته وكل كلمة نفسى أقولها ومش عارفة هكتب عن حياتى بس مش الخاصة لأننى مبحبش كده هكتب عن البلد وأحوالها إللى زى السكرهكتب وخلالالالالالاص
أما بأه عن إسم المدونة فهو إسم بيعبر عن حالة ملازمانى دلوقتى ألا وهى اللخبطة ده على المستوى الخاص أما فى العام فكل حاجة فى حياتنا مكركبة على الآخر بدءا من السياسة مرورا بالإقتصاد وننزل على التعليم ونعدى على كل حاجة كانت حلوة فى بلدناونسيبها ونمشى ونقول إيه ده مش كانت حلوة؟؟؟
وعشان كده أنا هدووووووووووون فاستعدوا ولو حصل أى حاجة كده ولا كده لاسمح الله فالبركة فيكوا تظبطوهالى
ويارب أكون خفيفة عليكوا ونعدى المرحلة دى مع بعض على خير
1 comment:
مبروك المدونة
وان شاء الله تبقي جميلة
طالما انك هتعبري عن ذاتك
ان شاء الله نشوف حاجات حلوة
واكتبي كل ما تلاقي نفسك حاسة
بحاجة جواكي
Post a Comment