إمبارح.......والنهاردة

معنى جميل جدا ......إحساس رائع ....صحبة ولمة وروح جماعة وحب فى الله وخوف على بعض وإبثار وفسح ومشاكل وتعاون ...ومعان كتييييير حلوة جدا كنا عايشينها مع بعض

بعد ده كله ليه كل ما بنكبر بنفقد معان كتييير بنخسر ناس....... وبنكسب ناس تانية

وبنكتشف ناس وبنزعل من ناس .......وفى وسط ده كله بنكتشف نقاط جديدة فى أنفسنا .....نقاط قوة ...نقاط ضعف

بنعبد عن ناس سنييييييين وبعدين نقرب ,بعدنا ليه وقربنا تانى ليه ........معرفش ؟؟؟؟؟!!!!!!

إمبارح كان ليا صاحبة كنا بنحب بعض أوى كنا نقعد جنب بعض فى الديسك تسافر سنة وترجع تلاقينى مستنياها جوابات ومكالمات أشواق وأحيانا عتاب

ده كان إمبارح

النهاردة هى أبعد ما يكون عنى فجأة هى مش فهمانى وأنا بالطبع كذلك هى سافرت وأنا كمان هى إتغيرت ...وأنا كمان

جروب جامد جدا خمس أصحاب ولا واحدة فيهم تشبهنى (فى الطبع والإهتمامات )بس كان فى حاجة بتجمعنا حب ...وطفولة وبراءة ...

ده برضه كان إمبارح

النهاردة كل حد فينا فى مكان وفى كلية مختلفة

إمبارح الناس كان فيها خيييييير والناس بيحبوا بعض وبيساعدوا بعض والبركة كانت مالية الحياة وأتخيل أنها كانت مليئة بالسعادة ,أستمع إلى كلام تيتة وحكايته فأشعر أن هناك شيئا ما خطأ فى هذا الشعب الذى فقد الكثير من طيبته وشهامته ومرؤته

ده كان إمبارح

النهاردة كل فرد ينظر فقط لمصلحته الخاصة ..فقد المجتمع المصرى روحه التى كانت تميزه أصبح مجتمع متناقض ...سلبى إلى حد كبير متخاذل وفى تراجع إلى الوراء

يا اللللللللله إمبارح كان جمييييل أوى ...........................والنهاردة وحشششششش أوى

يا ترى بكرة هيبقى أحلى من إمبارح ..................... ولاأوحش من النهاردة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ملحوظة :قد يكون هذا البوست متشائم بعض الشىء ولكنى قد قررت أن أكتب كل ما يدور فى عقلى بإحساسى وقتها وكانت هذه هى النتيجة